Diasabra mainta alrededor di 11:10 am polis a ricibi un tip di oro, unda cu a informa di un supuesto grupo cu arma di candela den caya na San Nicolas. E informante lo a señala e grupo den un Hyundai Getz color shinishi dilanti Aruba Bank den caya.
Mirando gravedad di e asunto, a saca dos patruya cu urgencia direccion pariba y polis a tuma tur e medidanan di percaucion necesario, mirando cu ta trata posiblemente di hendenan arma. A busca tur rond den caya. A drenta den hanchi y scan henter e area.
Polis no a topa cu e grupo arma, pero a keda extra cautela pa e situacion aki.
Claro, por ta tip falso tambe, pero polis ta tuma tur tip y of yamada na serio.
