Aruba ainda no a tuma un posicion pa loke ta e situacion nobo reinante na Europa. Tur loke ta sosode adicional ta mustra cu e miho manera ta pa tur hende test prome cu nan biaha pa Aruba. E opinion aki Tisa LaSorte, directora ehecutivo di AHATA a duna di conoce.
Tin un miedo ta surgi cu e virus di COVID-19 ta mutate, cu ta motibo cu hopi pais ta core cera nan porta. E ta algo cu ta desconoci pa cual e paisnan ta tuma decision di cera frontera.
Expertonan mes a bisa di adelanta cu por spera cu ta bay tin mutacion di e virus. “Mi ta kere cu ningun hende por ta sorprendi cu e mutatie. Kisas e hendenan kier mira kico e mutacion aki ta haci prome cu nan tuma un decision di e proximo paso. Mientras cu tin e exigencianan pisa pa entrada, manera e testnan, y encurasha esaki, ta haci cu e pais tin su proteccion.”
