Diasabra den careda di 4:30am, polis a presenta ariba caminda di Tanki Flip. Akinan un chauffeur muhe di un Suzuki Swift color blanco a perde control biniendo for di Tanki Leendert, el a bay na su banda links cu consecuencia cu a dal contra un palo di luz y ranc’e.
Polis a cera ambos banda di caminda pa asina evita trafico pasa. Ambulance a presenta na sitio pa asina brinda e chauffeur asistencia medico mirando cu tabata keha di dolor.
Rato despues e transporte policial a presenta na sitio mirando cu ta sospecha cu e persona ta bou di influencia di alcohol, a deten’e y transport’e pa warda di polis.