Tabata apenas algun minuut despues di 12:00 am ora cu habitante a lanta fo’i soño di un forma diferente. Ta den Zwollestraat cu Caya Tilburg, ora cu un candela basta grandi di mondi tabata expande di un forma rapido.
E huma tabata penetra den cas di hende pa cual a ocasiona cu hasta a lanta varios habitante for di soño. Algun, hasta a evacua mirando cu no por a soporta e holor mas, asina mes cu bentana cera.
E candela a yega basta cerca di un cas pa cual dos unidad di bombero a presenta pa combatie. E habitantenan a gradici e bomberonan pa nan bon trabou y e tempo record cu a yega n’e sitio.
