Diabierna merdia Minister di Turismo y Salud Publico sr. Dangui Oduber tawata invita na un ceremonia priva di famia di Sra. Swinda Dumfries unda cu di sorpresa a bini pa brinda su sosten y aprecio. Dumfries ta labora na JGZ, Directie Volksgezondheid Aruba (DVG) y ayera a ricibi su condecoracion for di Gobernador Alfonso Boekhoudt den nomber di Rey Willem Alexander pa su esfuerso y dedicacion boluntario na pais Aruba. En especial pa sra. Dumfries su trabou comunitario pa Aruba su muchanan y hobenan riba e tereno di salud. Minister Dangui Oduber a pasa expresa su gratitud pa e bunita trabou boluntario
cu Sra. Dumfries a bin ta haci pa hopi aña.
Ta di remarca cu gobierno ta pone hopi importancia na e condecoracion aki, mirando cu Aruba tin hopi persona cu ta haci trabounan boluntario, banda di nan trabou principal y sigur ta pa gradici cada un di nan pa nan esfuerso y trabou bunita di boluntad.
Minister Dangui Oduber ta felicita tur e 18 personanan cu a ricibi e reconocemento aki y sigur kier gradici specialmente dos persona cu a ricibi lid in the orde van Oranje- Nassau : Sra. Swinda Martha Claire Dumfries y Sr. Señor Dionisio Fecito Richardson, pa nan trabou den salud publico y pa nan reconomento ehemplar den nos comunidad.
