Tres persona a muri despues di un tiroteo riba un tram na Utrecht, segun alcalde di e ciudad. Otro cinco a resulta herida den e incidente, cu segun polis, parce tabata un atake terorista. Polis ta buscando un homber Turco di 37 aña yama Gokmen Tanis y a adverti tur hende pa no acerk’e.
Scolnan a cera y siguridd a aumenta mientras cu polis antiterorista ta traha pa haya e tirado. “Nos pais awe a wordo sacudi pa un atake,” prome minister Mark Rutte a bisa. “Polis y fiscalnan ta investigando kico a pasa exactamente.”
“Loke sa te awor aki, ta cu tabata tin disparo contra personanan sinta den e tram,” el a agrega. El a describi e atake como “profundamente perturbador.” “Nos no por exclui un motibo terorista,” e coordinador Hulandes contra terorismo, Peter-Jaap Aalbersberg, a bisa den un conferencia di prensa.
El a agrega cu tabata bin varios tiroteo den “varios luga,” pero no a duna detaye riba unda nan tabata.
E atake riba e tram a sosode banda di 10’or y 45 di mainta y un testigo a bisa medionan local cu “un homber a cuminsa tira salvahemente.”
Otro testigo a bisa na e emisora publico Hulandes NOS, cu a yuda un muhe heerida cu sanger na su man y riba su paña.
“Mi a hib’e na mi auto y a yud’e,” el a bisa. “Ora cu polis a yega, e tabata inconciente.”
Polis antitetorista a rondona prome un cas cerca di e cruzada di 24 Oktoberplein, unda cu e atake riba e tram a tuma luga, pero parce cu ningun aresto a tuma luga.
Un comerciante local a bia BBC Turco cu e sospechoso a combati previamente dne e Republica Ruso di Chechnia.
E gruponan Yihadista, incluyendo e aineadonan cu e grupo di Estado Islamico, a opera durante hopi tempo den e region. “El a wordo aresta pa su conexionnan cu IS, pero el a wordo libera despues,” e empresario a bisa BBC.
Mientras tanto, e nivel di menasa a subi temporalmente na su punto di mas halto den e provincia di Utrecht. E Universidad di Utrecht a cera tur su edificionan y no ta permiti pa trein yega na e centraal station di e ciudad.
Polis paramilitar a wordo manda pa aeropuerto y mosquenan memey di e mayor preocupacionnan di siguridad.
Utrecht ta e di cuatro pais mas grandi di Hulanda y tin un poblacion di por lo menos 340 mil habitante.
E nivelnan di delincuencianan ta abao y asesinatonan cu arma di candela ta hopi straño, manera ta e caso di gran parti di e pais.
