Polis a bay pura cu sirene na Kamay panort di NG Supermarket. Ta parce cu un homber a pidi e habitantenan pa yama polis p’e. Dos dia pasa nan ta sospecha e homber fam F. biba na Saliña Cerca di a horta den un cas. Doñonan di cas ta insisti cu nan a mir’e. E yiu di doño di cas a bin prome riba scooter cerca esun cu nan ta sospecha di a horta den nan cas.
El a menasa e supuesto sospechoso di a drenta nan cas. E tabata cana cu su cacho. Despues di menasa a bay y bolbe cu auto. Aki a baha y dal e sospechoso un scop den barica. Tambe a dal’e cu baranca y herid’e na man robes.
Un hende cu a pasa a yama polis. Mientras polis tabata na caminda e homber F. a keda warda cu su cacho. E tata cu ta doño di e cas tambe a presenta. El a atende cu esun cu ta sospecha di drenta su cas horta alcohol. Tabata tin un discusion basta fuerte. Parce e bario of esnan cu conoce F ta cansa di su movecionnan dudoso den bario. Esun sospecha di horta ta bisa cu nan trece video como prueba.
E tata doño di cas a bis’e cu tin tres testigo. Hasta ora a bay cu e boter a trece bek. Tur esey doño di cas a bisa F. Finalmente polisnan a bin cu sirena y e doño di cas a subi auto bay net prome cu polis a yega.
Polis a papia cu e homber F y el a conta polis tur cos. Polis a mand’e warda di recherche pa entrega keho. Djey lo sigui mira con recherche lo atende e situacion pa menasa y agresion.
