Ta tristo pa pueblo mira un minister di nos pais ,Minister Glenbert Croes ta cana rond na Hulanda cu saco den man ta pasa piki flyer na un congreso cu ningun mandatario di ningun otro pais tabata presente. E tabata mas un congreso pa esunnan cu kier haci negoshi den e mundo di energia sostenibel. Ta pone mi corda ora hende bishita Disneyworld anto bo ta haya tur e flyernan cu nan ta reparti di e parkenan pa asina conoce Mickey Mouse. Ta placa di pueblo ta gasta toch,no ta problema,pueblo tin di keda traha ,tin hende cu mester traha dos trabou pa asina por paga belasting tur luna pa viahamento rond di mundo di e gobierno aki por sigui numa.
Aruba den tempo di gobierno di AVP tabata e visionario di loke ta energia sostenibel y no solamente esey so. Hopi por a lubida cu ora AVP a bin na mando na 2009 ta poco hogar aki na Aruba por tabata tin airco inverter, door cu e tabata na un prijs impagabel y tabata practicamente un luho pa hopi hende. AVP a tuma e decision di rebaha e invoerrechten cu tbt mas cu 20% na solamente 2 % y asina duna e oportunidad na casi tur hende na Aruba pa por a cumpra airco inverter y rebaha asina consumo di coriente,Ta un di e decision nan cu a pone gobierno di AVP perde entrada,pero pa bienestar di pueblo cu ta yuda den e poder di Compra di nos hendenan.
Fundacion Mito Croes lidera pa un profesional hoben John Hart ,a organisa un simposio hopi interesante ariba e tema di energia sostenibel, na unda e ex director di TNO Aruba Jan Ebbing a hiba palabra,y ora Ebbing a hiba palabra , un di prome topico cu a bin dilanti ta e holo stinki cu ta sali di RWZI cu Ebbing mes a sinti y na unda a o informa cu TNO Aruba, e tempo aya, ya caba a cuminsa cu un plan pa loke ta e problema di RWZI. Awe un ex director di un institucion di renombre mundial manera un TNO, a bisa cu Aruba a keda manera paralisa pa 7 aña, cu no a gasta ni un cen preto na loke ta RWZI y awo nos ta para na un problema serio cu por bira un desastre nacional.
Lastima di no a mira departamentonan di gobierno manera un DOW bin scucha con TNO cu e conexion y laso cu tin cu Ebbing, lo ta dispuesto pa bin Aruba un biaha mas y presenta solucion nan duradero pa loke ta RWZI y sigur trece solucion pa e otro desastre grandi cu ta dump. Hopi lo kier tabata presente, pero pa motibo di miedo politico y miedo pa persecucion ta prefera di tene distancia pa awo y ta comprendibel tambe, cu e gobierno aki cu ta conoci pa persecucion politico.
Pero manera AVP ta den gobierno nos lo cuminsa cu pasonan acelera pa bin bek cu TNO y cera un aliansa strategico cu Hulanda un biaha mas y pa Aruba bira lider den e region aki ariba e tema di energia sostenibel y bira un ehempel pa mundo atrobe y unda profesionalnan Arubiano lo por haya trabou nan importante y asina haya e oportunidad pa contribui na e bienestar di Aruba.
Pasobra na e momento aki ta gastamento di placa di pueblo tin,cu fantasianan manera un LNG gas,Quantum petroleum,Hydrogen valley y un monton di gañamento mas pa hustifica gastamento di placa di pueblo na biahamento. Despues di 7 aña y despues di e show y circo di ORA CERO organisa pa Glenbert Croes y Partido MEP,awe ta tristo pa mira e refineria na San Nicolas a bira un luga di hero bieu y den basha abou y Aruba no a produci ni un 1 KW extra di energia sostenibel den 7 aña di MEP. Pero a crea un MEP Airlines cu su tempo di bula rond di mundo lo termina, ora pueblo por medio di eleccion bay vota pa cambia e destino y rumbo cu e pais aki ta bayendo ,cu ta un rumbo di pobresa ,cu un gobierno di MEP sin curason pa esunnan cu salario minimo y sin amor pa nos pensionadonan. Ban Bolter cos pueblo. E decision ta den boso man.
