Dialuna atardi en conexion cu e celebracion di Dia di Rincon, a tene parada escolar. Aki e scolnan a participa unda cu e muchanan a gosa y baila. Durante henter e luna di april a celebra Dia di Rincon y esaki ta culmina awe y dia prome di mei.
Un total di seis banda a forma parti di e parada escolar, unda cu diferente scol a participa n’esaki. E studiantenan participante tabata bisti den e trahe cultural. E agrupacion Rincon Boyz tambe a forma parti di e parada. Incluso e cantante Chendel Beaumont tabata riba caya cu e banda Palo Largu.
E parada escolar tabata e antesala p’e parada grandi. E prome banda tabata Je & Friends cu ta e banda mas popular tabata den stadion na CocoRobi. Hopi hende tabata para n’e parada escolar, pero diamars mas hende lo ta presente n’e parada di Rincon, unda cu diferente cultural ta forma parti.
E parada ta inicia pa 4:00 pm y ta pasa varios bes riba e ruta, no manera carnaval di Aruba unda cu e parada ta pasa e ruta un biaha.
E di dos grupo no tabata compania pa un banda pero dj. Tanto dialuna como diamars por mira cu e parti di cultura ta resalta. E tradicion ta di Simadan, cu a cuminsa como un celebracion chikito y awendia ta grandi.
Carla Kelkboom a expresa cu e tin un aña na Boneiro y esaki tabata su prome bes di a participa n’e parada. El a keda encanta di mira con ta wanta e cultura y ta celelbra esaki.
N’e parada escolar diferente scol a bini hunto pa tene e celebracion aki. A busca un diseño di cual tur mucha por a bisti. Miles di hende a biaha pa Boneiro p’asina disfruta Dia di Rincon.
