Awe, dia 18 di Maart, Terrafuse, un organisacion cu a funda 10 aña pasa y cu ta promove arte di glas, ceramica, escultura, etc. , ta tene un openhouse, den cuadro cu nos Dia Nacional.
Segun e artista Ciro Abath nan ta expone tur loke nan a traha pa tanto mercado local como turista y tambe ta expone materialnan cu a wordo haci tambe bao di e trabao riba opdracht. Por a wak cierto trabaonan preliminar, diseñonan. Tambe ta duna curso na e hobennan, pa asina siña conoce tecnica di ceramica, di glas.
Nan por traha kraalchi di glas, ceramica. Tin diferente artista di ceramica manera Trudy Wolff, Roxanne Tromp, Hannah, entre. Otro. Terrafuse ta promove nan cursonan den corant of riba nan website www.arubaglassceramics.com. Aki por mira diferente ilustracion di nan cursonan. Nan tin cursonan semanal, diamars y diahuebs. 80% di e turistanan ta bin tuma curso y localnan mes no sa cu nan ta existi, cual Abath a expresa cu ta un lastima.
