Relaciona cu e 35 aña di Dia di Rincon, 24ora.com ta continua cu su cobertura na Boneiro,caminda cu por ‘roam ’ gratis cu riba e islanan ABC.
Durante un fiesta estilo di come-back na Boneiro, e banda local Buleria a pone un ambiente total den e fiesta yama ‘Picnic’. Nos director, Mark-Benson Denz a combersa cu Roderick ‘Rocco’ Franken, un di e cantantenan principal di Buleria, cu tabata hopi sorprendi cu pista di baile a yena na momento cu Buleria tabata haciendo nan soundcheck.
Rocco a sigui bisa cu esaki a trece un ambiente unico, ya cu na Boneiro ta dos cos cu no sa falta nunca ta bon cuminda y dushi ambiente. Esaki tabata e prome biaha cu Buleria a presenta na Boneiro den e estilo di come back, cu ta algo cu nan a cuminsa cu ne na 2023. Nan tabatin un presentacion na Corsou, den e estilo di come back. Y tabata algo cu a bay tremendo y cu tabata hasta tin peticion pa ripiticion. Buleria a bay Hulanda den e estilo di come back y awo nan ta na Boneiro. Tin un peticion na Aruba ainda no a haya un fiesta di come back, cu ainda no a sinti Buleria den e ambito aki. Rocco mes ta haya cu e cancionnan di come back ta hiba mi den otro dimension.
E cancionnan di come back no ta cancionnan cu nan ta toca normalmente den nan fiestanan. Ora cu nan ta den fiestanan di come back, nan ta enfoca totalmente riba e cancionnan aki, cu ta totalmente otro genero. E ta un repertorio totalmente otro, tambe. Un dia prome nan tabata den un fiesta di un repertorio totalmente otro.
Rocco ta haya e conexion den Buleria, un conexion extra entre Aruba y Boneiro, cual por wak e tambe den e aceptacion grandi di parti di e pueblo di Boneiro. Esaki ta debi na e influencianan Boneriano den Buleria, manera nan director musical, Dwight Leoneta, Dimitri Frans, Chendell Beaumont y den pasado tabatin tambe Raul Piar cu tabata forma parti tambe di Buleria. Un hermandad increibel entre musiconan di e islanan ABC, cu ta muestra di un conexion increibel cu ta existi entre e islanan aki. Pero e conexion entre Aruba y Boneiro ta sumamente grandi.
E fiesta di fin siman tabata e unico toca cu Buleria tabatin na Boneiro, pero ainda tin e fiesta di Rincon na caminda, udna cu Buleria lo tin algun toca pop-up.
Y, aunke cu Rocco Franken no tabata kier a divulga nada, lo tin mas sorpresa na caminda.
Aruba, e cobertura di 24ora.com na Boneiro ta continua.
