Un bes mas gobierno ta laga OPPA afo di e reunionnan cu Union Sindical. OPPA ta representa e ex-trahadonan publico! Pa e motibo aki no ta compronde cu ta trata nan diferente. A dicidi mesora pa manda un rappel riba e carta cu a manda na januari ultimo unda cu papia di continuacion di pago di e voorjaarspremie y gelijkbedrag di pensionadonan di gobierno.
Organisacion di Pensionadonan Publico Arubano (OPPA) no ta compronde pakico ta simplemente pone nan un banda, siendo cu nan poder di compra tambe a bay drasticamente atras mescos cu di tur trahado. Hopi ta lubida cu ta e pensionadonan a percura pa loke tin awe. Esey ta motibo cu dialuna mainta OPPA a dicidi di manda un otro carta pa Prome Minister y Minister di Finanza, relaciona cu e tema di indexering.
Gobierno ta nenga di debolbe e parti di gelijkbedrag di 2020 y 2021. Na comienso di aña, gobierno a duna e pensionadonan di SVb un cachi cachi riba nan AOV pa nan bisa cu e pensionadonan tambe ta ‘Central’! E gobernantenan ta lubida cu awe ainda nan ta un ‘trahado’, pero mañan nan tambe ta un pensionado.
Den e rappel nan ta bisa di ta lamenta cu no a haya reaccion riba e carta fecha 7 di januari. No sa of ta compronde pakico no ta contesta nan y tampoco kier sinta na mesa cu OPPA.
Tambe a tuma nota di e reunionnan riba indexering unda tambe a laga OPPA afo.
Despues di a scucha y lesa riba e acuerdo, a bisa gobierno den e carta cu nan ta spera cu hopi lihe por sinta na mesa cu nan pa kita e duda di e pensionadonan di gobierno riba e pago di prima den e siguiente añanan.
Loading…
Reload document 
Open in new tab 
