Dialuna, algo pasa di 12’or y 14 di merdia, polis y ambulance a bay cu hopi urgencia na altura di Boca Catalina, pa un persona cu lo a bira malo. A resulta cu un turista lo a haya ataca.
Paramediconan di ImSan a purba di yuda e turista di edad aki cu CPR, pero lamentablemente no a logra. Dr. Texier a presenta y a constata morto di e turista. Famianan sigur ta den un trista grandi mirando cu nan ser keri a bay laga nan. Palabra di forsa ta bay na nan cu perdida di e cabayero.
