En conexion cu celebracion di himno y bandera 2019 un biaha mas teamnan a bini hunto pa competi den e torneo di bolas criollas. E aña aki a conta cu 9 team di dama, 11 di cabayeros, 3 di infantil y 3 di hubenil.
Desde mainta trempan e teamnan a cuminsa competi buscando pa bira campeon di e torneo. E muchanan a pasa un momento agradabel, unda tabata purba distrai otro mientras cu e adultonan tabata apoya.
Tur team a haci nan maximo esfuerso buscando pa bira e campeon di e torneo y clasifica pa hunga den e torneo internacional cu lo tuma luga e aña aki na Corsou.
Den categoria infantil na di 3er luga a keda Papaya Ranch, sub campeon Headache y campeon T.M.P.B.. E campeon di categoria hubenil tabata T.M.P.B, sub campeon Papaya Ranch y 3er luga Headache. Den categoria di damas na di 4er luga tabata Headache, 3er luga Jairo’s, sub campeon Jo Bolas y campeon T.M.P.B.. Den categoria di cabayeros na di 4er luga tabata Rolling Ball, 3er luga J.B. Stars, sub campeon Querendones y campeon Shotaz.
Papaya Ranch ta gradici un y tur cu a participa den e torneo aki. Tambe a recorda tur team cu a clasifica y ta bay representa Aruba na Corsou, e fecha lo ta di 25 te cu 27 di april.
