SVB a publica su estadisticanan mas recien di aseguradonan riba nan website. For di e estadisticanan aki por conclui cu empleo na Aruba y e cantidad di negoshinan na Aruba a aumenta considerablemente e aña aki, 4.5% y 3.1% respectivamente. SVB su cifranan ta reconoci den e mundo financiero economico di Aruba pa ta actual y corecto.
Empresanan ta registra cada cambio di cantidad di trahado y empresanan nobo ta registra y ta kita nan mes for di e registro di SVB ora nan stop nan operacion. Esaki pa garantisa cu nan trahadonan ta sigura y pa sigura cu nan no ta paga di mas na prima.
E ultimo estadisticanan cu SVB a publica ta demostra un aumento di cupo di trabao cu 1894 persona y un aumento di e cantidad di dunado di trabao cu 109 compania den aña 2018.
Director di SVb, ir. Edwin Jacobs a reacciona bisando: “Mi no por bisa cu nos cifranan ta actual. Tin un retraso den kita trahado for di e lista di asegurado. Loke si nos ta di experencia ta, cu ora economia ta cuminsa decelera, e companianan ta laga kita e trahadonan cu bay di biaha di e lista pa nan no paga por nada pa nan. Den linea general, e crecemento den porcentahe ta finalmente loke bo por expect na final. Den e prome 10 lunanan e cantidad di trahadonan a crece cu 4.5%. E crecemento finalmente lo ta eybanda. E cantidad di cuponan di trabao a aumenta cu 9.1%. Pues ora nos cifranan mustra un crecemento, e cifranan real tambe ta sigui e tendencia ey. Den cifra absoluto no necesariamente ta mescos pero si den porcentahe e ta yega cerca.”
Pa mas informacion y pa por lesa e estadisticanan, por subi e siguiente website:
