Awor Aruba completo por wak fundacion CINEARUBA su proyecto Ciudad Oraño awe nochi 10’or na Telearuba. Ciudad Oraño ta consisti di 5 episodio y desde awe e series lo pasa tur anochi durante cinco dia y e lo finalisa riba diabierna 19 di october.
E ta un di e proyectonan mas grandi di fundacion CINEARUBA cu a inicia for di 2015. E prome fase tabata consisti di tayernan unda cu un grupo di hoben a siña actuacion y un total di 100 pagina di script. Despues a sigui cu e grabacionnan cu a inicia na november 2016 y a dura seis luna. Na 2017 a inicia cu e post-produccion cu a consisti di edicion, composicion di musica, mescla di zonido y ahustacion di color.
Ciudad Oraño originalmente a wordo skirbi na 1992 pa Juan Francisco Pardo cu e tempo ey tabata tin 14 aña. El a uza como argumento articulonan di corant di casonan envolviendo hobennan. Na 2015 Pardo a skirbi un di nuebe version di Ciudad Oraño cual a bira e version final y esun cu a wordo filma.
E proyecto no tabata posibel sin e cincuenta actornan cu voluntariamente a forma parti di e proyecto. Tampoco e lo no tabata posibel sin e apoyo di e sponsornan y e colaboradornan.