Danki na e sosten di e clientenan di Super Food, e Super Food Plaza Cares Program a clausura aña 2021 cu un bunita donacion di Afl. 100.000 cu a reparti entre tres fundacion local cu hopi necesidad di dje:
- F.A.V.I. Afl. 30.000
- Fundacion Guia Mi Afl. 30.000
- Stichting Kinderhuis Imeldahof Afl. 40.000
Directiva y personal di Super Food kier gradici henter pueblo di Aruba y specialmente su clientenan pa nan participacion, danki na e clientenan e donacionan aki ta bira posibel.
Super Food ta contento cu a pesar di e temponan por ta dificil, nos clientenan a sigui haci nan donacion na e Super Food Plaza Cares Program. Un danki di curazon tambe ta bai na esnan cu a duna di forma anonimo via banco.
Desde principio di e programa na fin di 2017 te cu awor, a haci mas di 1.5 miyon florin na donacion, reparti entre mas cu 40 fundacionan na Aruba. E aña aki tambe e campaña Give & Win di Super Food Plaza Cares Program lo continua, pasobra nos ta haya cu ta importante pa sigui sostene comunidad por medio di fundacionan cu ta haci trabounan sumamente necesario.
Den un futuro cercano, ta spera di por extende e programa di Super Food Plaza Cares cu un grupo di voluntario di e team di Super Food, cu lo por brinda ayudo special y directo den comunidad caminda esaki ta necesario.
Por haci un donacion di Afl. 1.75 of mas na cualkier caha di Super Food Plaza y asina participa pa gana premionan mensual. Simplemente deposita bo recibo original cu nomber y number di telefon ariba dje den e tombola. Por haci donacion via cuenta di banco tambe, Aruba Bank 2497650190 of CMB 62014105.
Tur prome dia di luna ta saca 5 feliz ganador di un gift card di Super Food Plaza. Premionan ta patrocina pa Super Food y tur donacion ricibi ta bai bek pa 100% na comunidad. Fondonan di SFPCP ta ser maneha pa CEDE Aruba.
