Pa esunnan cu ta buscando un oportunidad pa traha den un restaurant of bar, esaki ta boso oportunidad!
The Aruba Food & Beverage Association ta organisando y presentando un job fair na Renaissance Convention center dia 20 di juni proximo. Esaki lo cuminsa pa 11:00 am te cu 8:00 pm y no ta cobra pa entrada. Esaki ta e miho oportunidad pa cuminsa of impulsa bo carera den e sector di horeca.
Bou di e mesun dak aki por haya un seleccion di restaurant y bar elite di Aruba. Entrada ta completamente gratis y e negoshinan lo presenta nan mes. Bo no lo haya un miho oportunidad pa busca un trabou den e industria dinamico, exitoso y agradabel aki.
E evento ta habri pa tur profesional experiencia cu ta buscando oportunidad pa impulsa nan carera, como tambe pa talento nobo di horeca cu ta buscando pa start un carera den un restaurant of bar. Tambe e ta un evento ideal pa esunnan cu a caba di gradua y kier duna nan soñonan hala of ta desea di perfecciona nan habilidad di entrevista of interaccion cu un compania.
Ta spera presencia di varios bar y restaurant y mas di 200 oferta di trabou. Solamente mester bishita, acumula informacion y selecciona e puesto di trabou cu miho ta pas pa bo. E ta e forma perfecto pa wak e posicionnan cu ta habri y pa papia cu e personanan cu ta traha den e sector aki. Scucha nan storianan y conecta one on one. Pa mas informacion, bishita www.jobfairaruba.com. Ta conseha pa bin cu bo CV y si acaso no tin esaki, lo tin un ‘booth’ di AFBA caminda nan por yuda bo hinca esaki den otro.
Tambe bay tin dos seminario enfocando riba con pa prepara pa un entrevista di trabou, con pa bisti, kico pa papia y mucho mas. Pasa na e booth di AFBA dia 20 di juni 2022 y registra pa esakinan y cera conoci cu e miho maneranan pa prepara bo pa e chens di haya un trabou den e sector di horeca.
