Diasabra anochi alrededor di 8:00 pm a sosode un caso peculiar. Un transporte di un helicopter a bay completamente robes. Riba un takelwagen tabata transporta un helicopter color blauw cu matricula P4-AIS. Segun informacion ricibi, a cab’i sali cu e helicopter for di W-Aviation desarma riba takelwagen p’asina hib’e su proximo destinacion.
Aunke ta trata di un transporte no usual, esunnan concerni no a notifica polis di e transporte special aki. A ranca waya di coriente cu consecuencia a kibra un palo di luz por completo. A notifica persona di Elmar pa atende cu e waya y palo di luz mesora mirando cu tabata crea un peliger pa demas automobilista. Mas despues a notifica polis di e caso.
