Rachyd Baroud mester di bo voto pa logra su meta

Rachyd Baroud mester di bo Voto pa logra su meta, BAN SOSTENE No tin defecto ni limitacion alguno mas cu esun cu abo ta pone pa bo mes!

Hoben Beisbolista ehemplar di Aruba buscando sosten pa asina e pasa pa e segundo buelta y pasa pa competi den Unieksport Talenten na Hulanda.  Rachyd Baroud pa hopi un nomber conoci pa hopi no. Su pasion di mas grandi ta di hunga beisbol. For di edad hopi chikito Rachyd, den compania di su mama, tabata asisti na veld pa wak su ruman grandi train beisbol.

Di akinan e inkietud a keda crece y por a mira Rachyd mas y mas entusiasma pa tambe forma parti di e bunita wega aki. Durante training Rachyd a cuminsa lanta y busca bala y asina aki e mirada di 2 coach a cay riba dje. Rachyd a inspira e caochnan aki pa aserca su mayornan y pidi permit pa e tambe cuminsa train y for di akinan e amor pa beisbol a keda marca. E no a stop nunca mas di train y te cu awe ta buscando pa mehora de e deporte cu mas e ta stima.

Rachyd a hunga cu Hammersharks Baseball Organisation di 5/6 te cu 9/10 den diferente Campeonato na Aruba. Buscando miho desaroyo y guia mas avansa pa cu su man y con pa e ta mas independiente, Rachyd a muda hunto cu su mayornan pa Hulanda. Rachyd a nace cu un banda di man defecto (Limb deffect) cu nunca a strobe y di cual awe e ta pidiendo e sosten di tur su amigonan y di e pueblo di aruba completo pa e logra un soño bira realidad.

Mayornan a aserca BSV Falcons cu man habri a tuma Rachyd .
Durante weganan di Campeonato Rachyd ta un motivacion pa su club y su compañeronan y su contricantenan. Cu tur esaki den mente su club a tuma un desicion inspirativo. Rachyd a keda inscribi pa participa den un competencia pa deportistanan cu limitacion “Uniek Sporten” den categoria: Lichamelijke of Zintuigelijke beperking.

Awe Rachyd mester di nos pa brinde e sosten cu e merece. Su club y su mayornan semper orguyoso di tur locual e la logra caba ta sigui sostene pa e continua den e deporte aki cosechando tur dia mas mas exito. Cu nos Voto Rachyd por pasa pa e segunda buelta y si destino pone su dilante e por te asta titula campeon.

Pa es motibo nos ta pidi henter pueblo di Aruba ban sostene nos yiu di tera y ban vota pa Rachyd ariba e link: https://www.unieksporten.nl/sporttalent/deelnemers/353/rachyd-baroud/stemronde/1#.XX9PfJqhruA.whatsapp

E ta facil, por vota por medio di Facebook ariba e pagina mes of por registra cu email y un password y lo ricibi un mail na unda mester activa (tene cuenta e mail por bai den junkmail) ,ora caba di activa por Vota pa Rachyd ! Aruba ban VOTA!