Dialuna 4 di maart ultimo durante un ceremonia militar, “Compagnie in de West Rotashon 44” a pasa su tareanan pa e siguiente unidad, rotacion 45. E comandante nobo, Capitan Bernhard di e Batayon 13 B ‘Pegasus’ di Assen, a tuma su tareanan durante un asina yama “peddeloverdracht” tradicionalmente di man di su sucesor Capitan Siebe. Comandante di Forsanan Naval Region Caribe Hulandes, Walter Hansen, durante e ceremonia a para keto na fayecimento tragico di un di e coleganan di Compagnie in de West.
Capitan Siebe ta mira bek riba un periodo intensivo y specal: “E dianan cu a pasa tabata intensivo. Mientras nos tabata cla pa e ultimo siman na Corsou, riba diasabra 24 di februari un di nos coleganan a perde su bida mientras e tabata snorkel dilanti costa di Playa Porto Marie. Nos ta agradecido pa tur yudansa cu nos a ricibi durante e buskeda di e colega aki y pa e deseonan di convivensia cu nos a ricibi.”
Tambe C-ZMCARIB Walter Hansen ta gradici tur hende cu durante e ultimo dianan a demostra nan sosten: “E fayecimento tragico di nos colega di Compagnie in de West a haci un impacto grandi riba mi y tur e coleganan aki den Region Caribe Hulandes. Mi kier gradici tur esunnan cu durante e ultimo dianan a demostra nan sosten. Siman cu a pasa nos por a despedi honradamente como ‘One Team Carib’. Nos pensamento ta cu su famia, stimanan y coleganan mas di cerca. Nos ta desea nan hopi forsa durante e periodo dificil aki.”
Ora Capitan Siebe mira bek riba henter e periodo desplega, tabatin un tempo como unidad hopi util y hopi educativo: “Na tur momento nos tabata cla pa accion. Asina, riba peticion di sosionan local nos a keda desplega den cuadro di operacionnan contra traficacion di droga, nos por a sostene mas cu un proyecto pa bon causa na Corsou y Boneiro y den nos elemento EODD, nos a keda ubica mas cu un biaha pa deshaci di eksplosivonan. Banda di esey continuamente nos tabata intensiva nos propio posibilidad pa accion pa medio di organisacion di training desafiante. Nos por a haci e loke pa kico nos a bini y nos a sinti nos masha bonbini riba e pida special aki di nos Reino.’’
Capitan Bernhard ta anticipa cu durante e cuater lunanan binidero lo haci ehercicionan cu e Compagnie y e specialistanan y traha den Region Caribe. E compagnie ta sosteni pa arkitecto, personal medico y un ekipo di EOD. E combinashon di Compagnie ta unico y ta existi di mita grupo di empleado propio cu ta capacita y cu na december 2023 a ricibi nan baret cora. E periodo como CidW-45 ta un tempo hopi importante pa e unidad, durante cua nan lo bay train hopi y intensivo y traha hunto cu otro. Caminda ta posibel e cooperacion aki ta keda sosteni y bishita pa socionan local. Ademas e unidad ta cla pa keda desplega na momento cu ta pidi esaki di nan.
