Rancamento di palo di luz ta continua. Esey ta loke a pasa un rato pasa, esta den careda di 9:45 pm, riba e caminda di Sero Blanco.
E accidente aki a tuma luga pariba di e t-kruising di EPI. Un auto desconoci a dal den un palo di luz, unda e kibra esaki den mita. E chauffeur a opta pa core pa su responsabilidad, mirando cu el a dicidi di bandona e sitio di accidente.
Polis a presenta na e sitio pa asina traha un rapport p’e compania di utilidad. A notifica N.V. ELMAR di e situacion, unda cu e polisnan a cera e area. E tecniconan a presenta na sitio y di biaha a cuminsa drecha e palo di luz y pa conecta bek e coriente den e area.
