Laga nos mira depresion, como un preocupacion extremo, cu ta domina hende, cu ta pone hende
aparta nan mes for di otro. Ta pone hende bira defensivo. Kico cu pasa nan ta kere ta cu nan bo ta papia. Tin hende depresivo ta come hopi. Tin ta keda sin come. Tin ta bebe hopi, tin ta discuti y hasta bira violento.
Pero un cos ta sali na cla cu depresion, no ta cura cu tattoo, ni tampoco alcohol, ni tampoco droga.
Nos tin di reconoce cu depresion no ta respeta cas di famia. Esey ta nifica cu e riesgo ta grandi cu un
persona por cay den depresion y hopi biaha ta depende di e tipo di biba cu e ta biba.
Bijbel ta siña nos cu Alabansa y Oracion tin poder, pasobra pa medio di oracion y alabansa nos por comunica cu Dios y asina Dios ta yuda nos. Tin forsa den nos oracion y alabansa y esey nos kier comparti cu bo. Pasobra prome cu tur remedi y tur terapia, Dios tabata t’ey. Y hopi biaha hende kier oracion, pero hende no kier bira cara pa Dios.
Na ta prefera separa nan mes y tin hasta ta haci daño na nan curpa y yega asina leu di kita nan bida. P’esey nos kier duna un solucion permanente y eficaz riba e asunto aki cual ta crece dia pa dia den nos comunidad.
Nos ta cuminsa cu duna bo Salmo pa bo lesa cual ta salmo 130, 40, 42, specialmente salmo 42 ver 5 -11 .
1 Reynan capitulo 19 vers 1-18 . 2 Cor 2:7 .Phil 2:27. 1 Thes 4:13 , Salmo 88 vers 6.Nos ta duna bo diferente versiculo pa asina bo por lesa y ricibi for di e palabra di Dios e ayudo cu bo mester.
Como cu depresion ta algo cu kier haci bo preso den un estado mental peligroso, e prome cos cu bo mester ta bo liberacion pa sali for di esaki. Y e palabra di Dios ta nos libertador, pasobra pa medio di e palabra di Dios bo ta haya bo liberacion, e ta gratis y bo por lesa cuanto cu bo kier y na e ora cu bo kier, pasobra den dje tin cura pa bo depresion.
Den Alabansa nos ta ricibi libertad pa nos spirito y nos alma, nos ta drenta den presencia di Dios y nos ta sinti su man riba nos bida. Scucha alabansa pasobra Dios ta doño di bo bida y E sa exactamente locual cu bo mester pa asina e depresion bandona bo. Rey Saul tabata deprimi. Un spirito malo tabata atake y David tabata toca harpa y asina a liber’e. Bo por scucha cuanto alabansa cu bo kier, pasobra den tur telefon tin e opcion pa scucha alabansa y oracion.
depresion ta ataca bo parti mental y spiritual, pa asina domina bo bida, pero no ta tur hende cu ta bao di depresion ta persona cu ta sufri di un enfermedad mental. Absolutamente tin hende cu ta bao di atake di e enemigo y cu ta mara na cierto capricho, tin hende cu a bay mishi cu cosnan cu nan no mester mishi, y nan a keda bao di influencia di e enemigo. P’esey Hesus a manda nos pa bay den e mundo, predica e evangelio y saca demoño y awo nos tur ta mira cu tin un nubia scur di depresion ta atacando mundo y Aruba no ta keda afo.
Con nos ta bay bringa e asunto aki, awel pa varios aña nos a bini ta haci e yamada riba nos pueblo cu den cada cas mester tin un altar spiritual di Famia, mester tin un momento un dia of un ora den siman cu henter famia ta reuni hunto pa haci oracion, esaki ta apart for di bay Iglesia of misa.
Bo mester tin tempo pa Dios den bo cas, tempo den alabansa y tempo den oracion. Pakico? Pasobra asina bo ta nota inmediatamente ora cosnan negativo drenta bo cas pa asina bo por core cu ne mas lihe cu ta posibel den nomber di Cristo Hesus.
Alabansa y oracion ta cura depresion y Dios no ta cobra contrario. E ta bendiciona, no Lubida Hesus ta nos sanado.
