Reportero Leo Geerman a acerca Minister Ursell Arends cu alabes ta lider di partido RAIZ pa haya su punto di bista riba e rumor aki, Arends a contesta: “E ta un hilaridad pa loke ta e tipo di rumornan cu ta coriendo rond, loke ta haciendo awor ta “brush nos shoulder” pa e tipo di cosnan aki, cu no ta afecta di ningun manera.
E lider politico a añadi splicando cu Diadomingo mainta mes tur e integrantenan tawata presente na ‘mangashina’ (centro di partido) di RAIZ tawata ocupa ta verf e centro y pegando logo. E ekipo di e partido ta solido y uni, no ta para keto pa e tipo di rumornan asina cu ta crea incertidumbre den comunidad, esaki no ta berdad”.
Arends a refuta e publicacion indicando: “Pa nos e ta un tipo di hilaridad, otro miembronan di prensa ta tuma over tipo di rumornan y haciendo mas speculacion, simplemente e no ta berdad”.
Reportero di 24ora a acerca Minister Geoffrey Wever cu tambe ta forma parti di e partido RAIZ , si lo ta berdad cu su persona lo ta subiendo lista di MEP y con e sostenedonan lo tuma e noticia aki. Wever a desmenti cu e noticia no ta berdad, y cu su persona tambe a scucha e “voice note” y lesa e publicacion di e articulo. E mandatario a accentua cu e noticia aki ta eroneo y no tin un base di berdad.
Wever a agrega bisando: “No tin tipo di combersacionnan andando cu partido MEP, no tin nada mas pa agrega na esaki – that’s it – “.
Finalmente e reportero di 24ora ora a trece dilanti na e politico cu “caya ta papia” (rumornan) cu lo tawata tin reunion ‘scondi’ entre partido MEP cu Wever, E mandatario a splica cu no tawata tin reunion scondi cu MEP.
