Recientemente a tuma luga un reunion cayente na Hulanda unda a revisa e relacionnan den e islanan BES, esta Boneiro, Saba y Sint Eustatius. A resalta e envolvimiento di Rubianonan den diferente funcion, pa sostene e cambionan desea den Caribe Hulandes y pa haci e relacion den BES miho ainda. Reunionnan no a bay facil tur ora, pasobra e dos islanan Saba y Statia kier mesun reconocimiento cu ta duna Boneiro.
Mescos cu Boneiro, awo Saba tambe ta desea pa e miembronan di Eilandsraad tin un trabou di tempo completo, un representante propio na Den Haag y alivio di e deber di reportahe. Pues, en bes di tin un representante di Hulanda na Boneiro pa supervisa e islanan, nan ta desea pa tin un representante di cada isla na Den Haag, pa sali na interes di cada isla eynan.
Na mes momento, Saba ta desea p’e ministerionan compronde cu Boneiro no ta representa Caribe Hulandes. “Nos mester stop di trata e tres islanan manera un entidad. A bay mucho tempo den e enfoke di one size fits all.’ Cada isla tin su link individual cu Hulanda. Inversion di e gobiernonan nacional por ta distribui miho entre e islanan, na luga di wak Boneiro como e cabes di e islanan BES”, asina Diputado Bruce Zagers a bisa na bispo di e conferencia di trabou di tres dia tocante e revision di WolBES y FinBES na Hulanda. Saba a haya conseho di experto den derecho di estado Hansko Broeksteeg y Douwe Jan Elzinga durante e preparacion di e conferencia.
Declaracion di Bestuurscollege y Eilandsraad di Saba
For di dialuna 4 di maart te cu diaranson 6 di maart, Eilandsraad y Bestuurscollege a participa na un conferencia na Hulanda pa discuti cambio proponi den e WolBES y e FinBES. Ambos Eilandsraad di Boneiro y Sint Eustatius tambe ta presente n’e conferencia organisa den nomber di Secretario di Estado di Relacionnan di Reino y Digitalisacion, Alexandra van Huffelen.
Cambio den WolBES y FinBES
E leynan WolBES y FinBES (Wet openbare lichamen Bonaire, Sint Eustatius en Saba; conoci como WolBES) y e FinBES (Wet financien openbare lichamen Bonaire, Sint Eustatius en Saba; conoci como FinBES) ta ley cu, desde e reforma constitucional na 2010, ta regula e relacionnan administrativo y financiero entre gobierno central y e entidadnan publico. Entre otro topico, e WolBES ta regula e rol di Eilandsraad, Bestuurscollege y gezaghebber, y di e representante di Reino. Den e FinBES, ta stipula regulacion tocante supervision financiero y e debernan di raportahe.
Ministerio di Asuntonan Interno y Relacion di Reino a pidi e tres islanan pa nan aporte tocante cambio proponi den e dos leynan, riba cual finalmente Tweede Kamer ta dicidi. Cambio grandi proponi ta inclui abolicion di e representante di Reino, supervision administrativo mas simplifica y pa Saba, un aumento na 2027 di 5 pa 9 miembro di Eilandsraad y di 2 pa 3 diputado. Tambe, un modelo di supervision financiero mas gradua ta proponi, cu tres posibel nivel di supervision financiero, na luga di un modelo unico cu solamente tin un nivel leu of estricto pa maneho financiero y e presupuesto.
Reaccion conhunto di Eilandsraad y Bestuurscollege
Eilandsraad y Bestuurscollege di Saba a reacciona conhunto n’e peticion di consulta na comienso di februari, cu yudansa di e profesornan di derecho constitucional renombra Hansko Broeksteeg y Douwe Jan Elzinga pa sigura confiansa constitucional di e reaccion. E prome reaccionnan di e islanan ta sirbi como punto di salida p’e dialogo durante e conferencia.
Eilandsraad y Bestuurscollege a haci varios proposicion pa Ministerio tuma na consideracion.
Envolvimento permanente di representacion den proceso legislativo y diferenciacion cu abolicion di e representante di Reino, su papel di representa e islanan na Den Haag lo bira di e islanan mes. Saba a propone pa cada isla tin su propio representante permanente na Den Haag, pa ta mas envolvi cu e procesonan legislativo. For di 2010, mayoria di ley nacional Hulandes no tabata aplicabel n’e islanan BES, cu ta maneha p’e ley di BES. Den e ultimo añanan, cu un enfoke riba logra un nivel di servicio ekivalente (gelijkwaardig voorzieningenniveau) p’e islanan, e principio di ‘sigui of splica’ ta implementa. Esaki nifica cu en principio ora cu un trayectorio legislativo na parti Europeo di Hulanda ta desaroya, esaki tambe mester ta aplicabel pa Caribe Hulandes, a no ser cu tin motibo hunto cu splicacion pa desvia. E principio di ‘sigui of splica’ ainda ta den desaroyo.
Miembro di Eilandsraad y lider di fraccion di WIMP Vito Charles: “Den e leynan nacional tin biaha cu e islanan ta considera como un municipio regular, y tin biaha cu nan ta considera como un entidad publico caminda no tin e mesun regla. Pa garantisa envolvimento na tempo den desaroyo di ley nobo pa tuma na consideracion e necesidadnan specifico di Saba, nos a propone pa tin un representante permanente na Den Haag, asisti pa personal y den colaboracion cu e Asociacion di Municipio Hulandes (VN). Cada isla cu su propio representante fisico lo ta beneficioso pa colaboracion y coordinacion entre e islanan.”
Un punto specifico di atencion ta pa permiti mas diferenciacion entre e islanan. Diputado Bruce Zagers ta enfatisa: ‘Nos mester stop di mira e tres islanan manera un entidad. A bay mucho recurso p’e enfoke di ‘one size fits all.’ Cada isla tin nan link individual cu Hulanda, pero nos a mira cu inversion di e gobierno nacional por distribui miho entre e islanan, na luga di mira Boneiro como e cabes di e islanan BES.’
Autonomia financiero
Tarea structural mester di recurso financiero structural. P’e gobiernonan local Hulandes (tanto e municipionan como e provincianan) e fondo di paga liber (Gemeente- en Provinciefonds) ta garantisa e espacio liber di gasto aki. Na mes momento, e leynan Europeo (den Carta Europeo di Autonomia Local) ta prescribi e necesidad di espacio financiero liber substancial p’e instancianan administrativo descentralisa. Ya cu e financiamento di e islanan BES ta consisti den su mayoria di subvensionnan specifico y tin solamente un espacio liber di gasto limita, mester conclui cu e reglanan existente aki no ta conforme cu e principionan den e leynan. Pa tanto, e futuro areglonan financiero mester provee pa un pago liber suficiente y un reduccion den e cantidad di subvension specifico.
Deber di raportahe
WolBES y FinBES ta inclui un sistema extensivo di deber di raportahe tocante asuntonan financiero. Realidad di capacidad oficial permanente limita na Saba den casi tur area di politica ta argumenta pa reduccion di e frecuencia di e deber di raportahe aki. Nan mester ta alinea cu e capacidad oficial pa cumpli cu e deber aki. Diferenciacion den e WolBES y FinBES por duna un punto di salida pa provee e islanan BES individual cu regla personalisa y crea un sistema di trabao den practica, confiabel cu tambe ta reconoce desempeño financiero di e islanan individual. Esaki tambe lo permiti pa Saba cumpli miho cu e debernan financiero di e municipio Hulandes. Ta importante pa sigura e formato cla y criterio pa raportahe y termino rasonabel pa raporta. Saba a propone Ministerio di Asuntonan Interno y Relacionnan di Reino pa diferencia pa cada isla y converti tur deber di raportahe pa Saba den un deber anual.
Crecemento gradual di miembro di Eilandsraad
Na Hulanda, e municipionan tin minimo 9 asiento den Eilandsraad, pa sigura un representacion democratico amplio. Saba no ta contra un crecemento te n’ e nivel aki, pero gradualmente, pa 7 asiento na aña 2027 y despues di un evaluacion posiblemente pa 9 asiento na aña 2031. Saba ta propone pa inverti den desaroyo di un instituto democratico, manera un Eilandsraad mas sostenibel cu un oficina di registracion mas amplio, ta necesario.
Miembro di Eilandsraad y lider di fraccion di PEP Saskia Matthew: ‘Na luga di casi redobla e cantidad di asiento di Eilandsraad den un solo biaha, nos mester enfoca prome riba desaroyo di e funcionamento di Eilandsraad y crecemento di conocemento democratico p’e miembronan di Eilandsraad y programa educativo lo yuda cu esaki. No como un meta pa su mes, sino cu e meta di tin e miembronan di Eilandsraad accesibel pa parti mas grandi di e poblacion. Saba tambe ta desea pa mira e posibilidad di haci miembro di Eilandsraad un posicion di trabou di tempo completo como un opcion p’e candidatonan. Entidadnan publico tin mas tarea cu e municipionan regular.’
Secretario di Eilandsraad Bram Streppel y hefe di Asunto Legal Devi van Groningen ta duna sosten na ambos Eilandsraad durante e conferencia. Despues di e conferencia cada isla lo haya oportunidad pa duna nan reaccion por escrito na final di e proyectonan di ley.
