Minister di Defensa di Colombia, Carlos Holmes Trujillo García, a fayece diamars na Bogota na edad di 69 aa a consecuencia di COVID-19, Presidente Ivan Duque a anuncia.
“Colombianonan, cu profundo dolor y tristesa mi a ricibi e noticia di fayecimento di nos minister di Defensa Carlos Holmes Trujillo,” presidente Duque a bisa den un declaracion pa e pais den cual el a seala cu e funcionario a fayece “den oranan di diamars marduga despues di complicacion den su salud mientras e tabata lucha contra COVID-19.”
E minister, kende tambe tabata canciyer di Duque den e prome diescinco lunanan di su gobierno, a test positivo pa COVID-19 dia 12 di januari na Barranquilla, dos dia despues di encabesa un conseho di siguridad na e ciudad di Santa Marta.
E mesun dia ey el a bay den cuarentena y aunke cu el a sigui cu su funcionnan, a intern’e den clinica Iberoamérica di Barranquilla, for di unda a transporte, dia 14 di januari, pa Hospital Militar Central di Bogotá, unda el a fayece pa 2’or di marduga.
