Directiva di Parke Nacional Arikok ta sinti cu nan no tin mas caminda pa cana cu pidi intermediacion di Mediador di Gobierno. Nan entradanan a baha drasticamente y no tin forma pa recupera esaki. Nan ta bou di presion y ta poniendo presion bou trahadonan. Mirando cu no ta yega na un consensus riba bahamento di gasto, a dicidi uza Mediador di Gobierno.
Den oranan di merdia Anselmo Pontilius, a ricibi e dos delegacionnan aki na su oficina na Playa, pa dal e prome paso pa yega na un plan con pa baha e gastonan.
Na final delegacion di PNA a abstene di duna su comentario mientras cu Pontilius a splica con e situacion ta awo y kico lo bay pasa den futuro. Hecho ta cu un parti di e empleadonan a acepta e pakete, pero mester bay papia mas ainda riba e reorganisacion, pasobra e situacion actual no por continua.
Mediador tin confiansa cu e parke, no mesora, lo recupera forsa.
