Dialuna atardi alrededor di 3:00 pm a sosode un accidente serio rib’e caminda di Bushiribana pa Natural Bridge. Ta di tantisimo accidente cu ta sosode riba e ruta aki. Ta trata di un UTV cu pa un motibo of otro a perde control y bolter.
Dos persona a resulta herida. Den nan, un tabata seriamente herida. Polis y ambulance a presenta cu maximo urgencia mirando cu un di e victima nan na dado momento no tabata reacciona.
Ta trata di dos amigo turista riba un trip. Un di dos unidad di ambulance tabata necesario pa presenta na sitio mirando cu e victima a logra reacciona pero un rato despues a bolbe bay off.
A transport’e cu maximo urgencia pa hospital caminda a brind’e atencion medico avansa. E otro amigo a resulta levemente herida. Debi cu e accidente tabata mustra asina serio, a notifica personal di Team Forensico di polis.
A confisca e UTV y hib’e pa warda di polis pendiente investigacion. Un bon cooperacion entre polis di trafico, ambulance y helicopter di polis cu tambe tabata den e area. Daño material tabata basta.
