Pa gana e bataya contra e pandemia di Covid-19, Ministerio di Boluntario di Freewinds ta dunando training di desinfeccion pa negoshi y otro organisacion na Aruba. Mas organizacion a uni den e bataya aki cu e meta di haci Aruba e luga mas sigur na mundo.
Un compania cu a uni nan ta Caribbean Pest Solution. Pest Control ta e clave di e compania, pero ora e pandemia a cuminsa plama rond di isla, nan a cuminsa haya yamada pa desinfecta casnan y otro luga unda tabatin casonan di Coronavirus. Despues di a introduci desinfectante Decon 7 na e trahadonan, tambe a mustra e proceduranan cu Ministerio di Boluntario di Freewinds ta uza pa desinfecta. E maneho di Caribbean Pest Solutions a pidi pa nan compania tambe haya training. E siguiente dia e training a cuminsa pa 3 empleado. E empleadonan aki ya tin experiencia den pest control y desinfeccion, e training a bay hopi bon y awor ta planeando pa train mas empleado.
Caribbean Pest Control ta un otro compania trahando duro p’e comunidad keda liber di e virus. Nan meta principal ta pa traha cu e miho productonan cu por provee un area bon desinfecta caminda e clientenan ta sinti nan mes sigur y no tin cu preocupa cu posibel contaminacion.
Jefferson Acuna, propietario di Caribbean Pest Solution, a bisa cu “e Ministerio di Boluntario di Freewinds ta hopi profesional den loke nan ta haci. E pasonan den nan proceduranan ta hopi exacto y detaya, p’esey nan ta asina exitoso .Nos a uza otro producto di desinfecta den pasado, pero mi por mira cu Decon 7 ta e miho. Nos ta hopi satisfecho cu e training.”
D7 of Decon 7 ta e desinfectante mas fuerte riba mercado y capaz di mata 99.9999% di tur virus y bacteria, inclui Coronavirus. P’esey Ministerio di Boluntario di Freewinds ta duna training den uzo di D7. Companianan cu kier duna e miho servicio cu e miho producto ta hopi contento pa tin e herment y training pa combati Coronavirus efectivamente.
Pa asistencia di e Ministerio di Boluntario di Freewinds pa desinfecta bo luga of pa ricibi un seminario di prevencion of un training con pa desinfecta luga di trabou of cas, por tuma contacto cu [email protected] of na signal +1-727-8104 of na cel 297 747-1613.
Pa haya informacion con pa proteha bo mes y otro, con bo por mantene cas y luga di trabou sigur bishita e How to Stay Well Resource Center online na www.scientology.org/staywel na unda ta haya tur pamfleta y video. Por download nan gratuitamente. Tur material ta obtenibel na Spaño, Hulandes, Ingles y 18 idioma mas.
