Yiu di Carmen Barrera ta cera na KIA relaciona cu un caso di asesinato. E no a mata, pero e ta cera. Mientras tanto cu e mester a sali ya caba for di luna di april, nan a bolbe rek e dianan tambe cu 16 luna mas, pa motibo di algo cu a pasa den KIA cu, segun e mama, su yiu no a comete.
Carmen Barrera a conta cu nan a haya cinco verlof pa bay cas algun rato. Tur cos a bay bon pasobra e yiu no tin mal conducta. Awo nan a bisa e yiu e tin cu keda.
Mama ta haya inhusto trato duna na su yiu cera den KIA
Mama ta considera trato duna na su yiu cera den KIA como inhusto!
Posted by 24ora on Saturday, August 10, 2019
Segun el a splica, e yiu a menciona cu e tabatin miedo y a pidi pa nan cambi’e pa un otro parti, tempo di e sucedido. E tabata sa cu e otro presonan lo a bay kima e prizon. P’esey el a pidi pa nan mov’e pa otro caminda. Esey a sosode net riba e ultimo dia di carnaval.
Na final di su sentencia
E yiu tabata na final di su sentencia, ora cu tur esaki a sosode. Segun e mama, e no a haci nada. E abogadonan a mustr’e un video pa cual nan a kita e VI di su yiu y despues a bolbe conden’e na 16 luna.
E video aki nan a uz’e den corte pa huesnan por wak’e. Asina mes hues a dicidi pa kita su VI. Den e video por a wak’e para cu su brasanan crusa. Aki ta mustra cu no tin evidencia cu el a cende e luga. E mama ta para riba cu e yiu no a haci nada. Si por a mira hopi hende ta move y ta esnan cu posiblemente ta responsabel pa e candela. Awo tur ta na cas y e yiu di Carmen Barrera mes ta cera, pagando asina pa e otronan cu si a comete un delito.
Sandro Quandt a yama e comision di KIA, pa bisa nan cu lo prolonga e sentencia na 16 luna. Y ta loke e yiu a haya tambe. Esun cu a dicidi esaki tabata Quandt y ta Quandt a manda e video cu a uza den corte.
Kico por haci
E yiu ta jong y su preocupacion ta cu e kier sali pa e por sigui studia. Awo cu otro 16 luna mas, ta haci’e dificil. E situacion cu a sosode na Playa, ta caminda cu nan a envolve. Nan tabata tin’e como complice. Segun e mama, nunca e yiu tabata tin contacto cu husticia.
Mensahe di mama
Tur diamars e mama ta bishita e yiu den KIA. Awo hasta su verlof nan a para. E no tin posibilidad di nada, sino paga e 16 lunanan. Esey ta e condena total.
Carmen Barrera tin un mensahe. E kier a bisa Minister di Husticia pa pone man na su curason y pa yud’e cu su yiu. Su yiu ta un hoben hopi inteligente. E kier sali p’adilanti.
E yiu nunca a busca problema cu ningun hende. El a studia bon na scol y tur cos tabata perfecto p’e. E ta un mucha demasiado keto.
Manera nos a menciona, e yiu homber mester a sali dia 1 di april. Sigur tin tension den prizon y finalmente awo e yiu homber, cu tabata na KIA, a pidi nan un siman prome caba, mescos cu 24ora a anuncia, pa mov’e djeynan, pasobra tabata tin intencion di cende e luga na candela.
E ultimo dia di carnaval, nan a cende. E video menciona, ta e unico evidencia cu tin, cu den e caso aki, a wordo uza den corte y cu awe a kita e VI di e hoben aki. Esnan cu a cende e candela, cu den e video por mira nan ta cana bay bon, hasta a deporta nan caba. Nan tabata cera pa atraco entre otro, riba casinonan na Aruba.
