Apertura oficial di e Cosmetic Shop di Ling & Sons ta marca inicio di nan Beauty Week

7

Diasabra a tuma luga e apertura oficial di e Cosmetic Shop di Ling & Sons, despues di un preparacion largo. Marlene Maduro, Marketing & PR Manager di Ling & Sons, a splica cu esaki ta e prome departamento cu ta completamente cla, den e cambionan programa, y esaki ta algo di celebra.

 

Apertura di Ling & Sons Cosmetic Shop

Posted by 24ora on Saturday, August 10, 2019

 

Ta un departamento sumamente importante pa e damanan. Esey ta e rason pakico nan no lo lage na final, sino a celebra esaki diasabra hunto cu nan clientenan.


Surtido amplio

Maduro a splica cu e Cosmetic Shop ta hopi amplio. Por haya tur loke ta importante pa e damanan. Ta papiando aki di tur loke tin di haber cu beyesa y cuido di cara. Tur loke bo mester pa makeup, wenkbrauw, pa bo resalta bo mes y hopi diferente producto mas cu bo mester p’asina ey por resalta, no solamente cu make up, pero tambe pa ora bo no tin make up poni, bo ta mesun bunita y por asina ey resalta semper con cu bay bin.


Orarionan

E Cosmetic Shop tin e mesun orario cu e supermercado. Ta hopi contento cu por haci esaki. Nan ta habri for di 7’or y mey di mainta pa 9’or di anochi. Un y tur ta keda cordialmente invita pa bin na e Cosmetic Shop. Alabes esaki ta comienso di e Beauty Week cu lo dura te cu dia 17 di augustus, esta diasabra awo.