Ayera diahuebs, e proposicion pa cambio di ley pa aumenta BBO/BAZV di 3.5% pa 6% a drenta Parlamento pa tratamento den comision central. Ey e Parlamentarionan lo mester debati riba e aumento di mas o menos 70 miyon extra na entrada pa e aña aki ainda.
Tambe a nota cu den e proposicion riba mesa ta inclui algun otro cambio den nos ley fiscal, manera entre otro kier elimina “successiebelasting” y “publieke verkopingsbelasting”.
Den e proceso a haci cambio tambe den nos “inkomstenbelasting” di cual e contribuyente por declara menos pa aña pa haña placa bek. Esaki, segun DIMP, tabata un discrepancia cu tabata cumbini esunnan cu salario halto, mas cu esunnan cu un salario mas abou.
