Korpsviering a continua y diahuebs atardi a haya oportunidad di presencia e wega di domino cu a tuma luga den POVA.
Edwin ‘papito’ comenencia, polis pensiona bayendo pa 10 aña y miembro activo keto bay di e comision korspsviering a combersa cu nos, caminda e la indica cu ainda e t’ey pa yuda te caminda cu e por.
Papito ademas di un trayectorio largo y memorabel den cuerpo policial, tambe vocero pa hopi aña a brinda su experiencia na e comision organisatorio pa asina yuda haci cada actividad uno exitoso. Papito a expresa cu naturalmente e lo t’ey pa sigui yuda pa e celebracion aki por bira cada biaha mas grandi.
Durante e celebracion di diahuebs riba programa tabatin e evento di domino, caminda un biaha mas diferente districto a enfrenta otro. Na e ocasion aki a dedica e actividad di domino na su persona , esta na Edwin Papito Comenencia, como pensionado y un hugado activo di hopi aña.
Papito a remarca cu e luga tabata yen. Esaki ta algo cu a hacie sumamente contento. Di mira un actividad caminda hopi colega y comunidad a yega hunto, den un luga completamente yen, pa asina comparti momento deportivo cu otro, cual e ta hopi orguyo di dje.
Ta spera di mira esaki pa tur otro actividad cu tin programa durante e korpsviering e aña aki.
Pa locual ta trata e wega/ competencia di domino cu tabata tumando luga, a pone cada wega na 25 minuut pa asina e no bira mucho largo y por yega na un orario relativamente trempan pa e final. Importante pa tur actividad caba na ora pa asina duna espacio na cada polis cu ta participa, pa por descansa y asina eherce nan trabou e dia siguiente.
Korspviering tin un historia basta largo, cual un tempo a cay un poco pero ta mira cu un directiva nobo a haya un biento fresco atrobe y ta mustra den bon direccion un biaha mas. David Leer como presidente, acompaña pa su team di miembro jong ta haci nan esfuerso y ta mira cu e celebracion a crece enormemente atrobe.
