E avion Fokker50 PJ-KVM ku InselAir ta operando kune a enkontra ayera un problema elektróniko poniendo ku mester a kanselá tur buelo pa Aruba y Boneiru. InselAir a charter un buelo di Aruba Airlines pa por a transportá pasaheronan riba e ruta di Aruba i a sòru pa pasa mas tantu pasahero posibel riba otro aerolínea.
No ta tur pasahero InselAir a logra pasa pa un otro aerolínea mirando ku mayoria buelo tabata yen dor di Curacao North Sea Jazz Festival. Pasahero nan no lokal a wòrdu akomodá den hotèl. Despues di a elaborá i traha riba e problema elektróniko aki ku a dura henter un dia, e avion tabata kla djaluna mainta alrededor di 3or di mardugá. InselAir ta operá ku un skema adaptá pa asina tur pasahero di djadumingu i djaluna por yega nan destinashon. InselAir ta pidi su máksimo diskulpa pa ku e inkumbiniensia aki.
