Boneiro, muy specialmente, Rincon ta di fiesta e aña aki. Nan ta celebra 35 aña di e gran celebracion di Dia di Rincon. Pa e motibo aki tambe, diamars anochi pa prome biaha a tene un a actividad Sena Mesa Largu, na encargo di Posada Para Mira.
Julianka Clarinda, Dirigente di Posada Para Mira a cuminsa na bisa cu semper nan ta haci un actividad ora ta luna yen. Pero e luna aki ta hopi mas special, door cu Rincon ta haci 35 aña nan a dicidi di tene e actividad aki den curason di Rincon. Tabatin mas o menos 240 persona cu a participa den e evento aki.
E menu tabata consisti di cumindanan tipico di Boneiro, manera cabrito, sop’i pampuna, e tabatin kala como entrada. Un menu varia pero toch c’un toke cultural.
Como Posada, riba 29 di april nan ta cumpli nan aniversario y semper ta tene un celebracion. Mas y mas e hendenan ta contento cu nan restaurant ta ofrece.
Por spera mucho mas di Posada Para Mira.