Frakshon di Movementu Futuro Kòrsou (MFK), a tuma nota di un rapòrt “ambstahlve”, traha di parti SER riba subida di salario mínimo.
Tambe nos a tuma nota di kasonan entamá den korte pa drei bek subida di salario mínimo di 9 florin pa ora, na e tarifa bieu bek. Pa e motibunan aki frakshon di MFK tin e nesesidat pa haña aklarashon di Promé Minister ku ta responsabel pa SER i tambe e Minister enkargá ku SOAW ku ta responsabel pa e parti di salario mínimo.
Frakshon di MFK ta konsiderá ku un reunion riba e tópiko ariba menshoná no por tuma lugá tras di kuater muraya den seno di un komishon figo.
Pa e motibu aki nos ta pidi konforme artíkulo 64 di reglamentu di òrdu pa tene un reunion públiko, pa pueblo por skucha di un forma transparente, ku si ta e intenshon di gobièrnu pa drei bek e subida di salario mínimo di 9 florin pa ora.
