Diadomingo ultimo, nos isla a wordo sorprendi cu un awasero basta intensivo unda cu a experencia basta inundacion di e infrastructura, vooral e proyecto di Green Corridor na Pos Chikito a causa basta preocupacion den nos comunidad di Aruba y no solamente comunidad, pero tambe cerca e contratista y cerca e team di DOW.
Segun director di DOW, Marlon Croes, durante di e proceso cu awa tabata yobiendo, e ekipo di contratista CC Odinsa, tabata riba veld pa nan por a wak con e awa tabata yega na e luga aki, ki medida nan a tuma pa deshaci di e awa, drenahe di e awa aki ta cana, compara esaki pragmatico. Loke nan a modela cu nan modelonan, con e tin cu traha. E ekipo di DOW, ora cu e awa tabata yobe y na momento cu el a caba, tabata den veld pa wak kico y unda e plan cu Odinsa tin, pa e area aki, kico lo mester wordo haci pa mehora e plan aki, pa asina por garantisa e fluho di awa den e area aki.
Bisando esey, cu tin basta trabao ta bay tuma luga den e proximo simannan cu ta bin pa por handle e plan y pa por bay ehecut’e unda cu, hunto cu Odinsa pa por resolve e problema di awa y wak pa esaki no bira un problema mas structural. Tin cu menciona cu durante di e awasero, e awasero aki tabata asina intensivo cu e camindanan ta bay yena, pero e intension ta cu despues cu e awasero stop, dentro di cuater ora maximo e caminda mester ta seco bek pa nos pais por drenta den un operacion normal.
