Na Italia ta critica Luis Suárez pa purba haya paspoort Italiano. E futbolista di Uruguay ta sospechoso di a haci trampa den su examen di entrada.
Varios medio tin documentonan di polis Italiano cu ta cuestiona e validez di e examen di Suárez, kende tin mester di un paspoort Italiano pa haci un traslado pa Juventus. Despues di tur cos, no ta permiti e “Ode Dame” cumpra mas hungado no Europeo.
A informa e delantero di FC Barcelona adelanta e preguntanan di e test di idioma, p’e tin e contestanan cla. Den binti minuut Suárez a haci e test di B1, mientras cu normalmente esaki ta tarda dos ora. Segun e informe, a pone e puntuacion final di e hungado prome cu e examen a cuminsa. Polis di Perugia, ciudad und a e ex hungado di Ajax a realisa e examen aki, ta investigando e docentenan cu ta traha den e universidad y cu por a hunga un rol den e fraude aki.
Traspaso pa Juventus no ta sigui
Di tur manera no ta realisa e traslado di Suárez pa Juventus, pasobra e tramite pa haya un paspoort a tarda hopi. E “Oude Dame” ta na punto di tuma Álvaro Morata procedente di Atlético Madrid, mientras cu Suárez apenas ta afronta un traspaso na Madrid.
Suárez, di 33 aña, ta hunga cu Barcelona desde 2014, pero tin posibilidad di laga e club di coach Ronald Koeman door di su salario halto. Anteriormente e tabata bou contract cu Nacional di su pais natal, FC Groningen, Ajax y Liverpool.
