Diasabra atardi a tuma luga un caso hopi serio na Tarabana. Polis a wordo manda cu urgencia pa un accidente caminda un auto a dal un persona y ambulance tambe tabata na e sitio caba. Na momento cu unidad di trafico a yega na e sitio, a bin topa cu un situacion cu no tabata un accidente, sino un caso di intento di asesinato.
Un caso caminda cu un persona intencionalmente a manda auto riba un otro y lag’e herida. Ta wordo menciona hasta cu e lo a pasa auto riba dje. Bisiñanan eybanda conoce esnan cu ta envolvi. Aparentemente ta papia hasta cu tin di haber cu un debe di 100 florin. Un persona cu a comete e acto aki, dal e persona y lage herida cu sla na cabes, a huy for di e sitio. El a comete e acto y bandona e sitio.
Unidadnan policial di trafico a cuminsa mesora pa notifica recherche. A pidi esnan envolvi tambe pa bay recherche. Awor aki ta buscando pa e persona cu lo a comete e acto aki y cu a huy y bandona e sitio. Polis sa ken e ta y no lo dura hopi pa pone man riba esun responsabel, pa e caso aki y probablemente e lo tin cu duna cuenta di e acto serio di intento di asesinato na altura di Apelsinastraat na Tarabana, diasabra atardi. Bisiña eybanda tambe a mira e victima benta abao y a bati alarma mesora. A kere prome cu el a cay pasobra e tabata burachi. Pero el a wordo gedal intencional pa un persona cu ta conoci pa polis.
