Diasabra alrededor di 4:00pm a sosode un atraco arma na Plug & Play na Ponton. For di momento di e melding, a activa tur patruya di Polis den e area pero asina mes no a logra gara e ladronnan ainda. E suma di placa cu nan a horta di e establecimento ta di alrededor di 4000 Florin, ademas a bay cu cantidad di celular.
E prome informacion ta menciona cu 3 atracado a drenta cu arma di candela den man y papiando Spaño y un di nan cu “leesbril” bisti. Nan a huy despues di e atraco riba un brommer preto, cu despues Polis a logra localisa na altura di un cas, Tanki Leendert # 29. Ey a topa un brommer preto sin number y ainda cayente.
A cuminsa un buskeda mesora den henter e area, buscando e 3 sospechosonan pero sin resultado. Mester menciona cu na “Plug & Play” a bay laga apenas 2 helm atras.
E trahadonan di e tienda a pasa den un tremendo susto. Polisnan di varios districto a busca tur caminda den vecindario pero no a haya nada. E ekipo di recherchenan “Atraco Team” a presenta y a papia cu e dos empleadanan pa saca mas informacion posibel.
Si Bo por tin mas informacion, a mira algo of sa algo mas, no duda den yama Polis pa por resolve e atraco aki mas lihe posibel.
