Ofo Escudero no solamente ta cantante conoci na Aruba, pero awo e ta e cantado di Bingo Aruba tambe.
Bingo Aruba ta brinda e pueblo di Aruba y amantenan di wega di bingo e oportunidad pa hunga wega di bingo na nan cas, cu tur otro hendenan rond Aruba.
E weganan ta tuma luga tur diadomingo, y ta cuminsa pa 4’or di atardi. Prome cu esey, esnan cu kier participa por cumpra nan ticket cu ta disponibel rond Aruba, entre otro na pompnan di gasolin. Pero mas facilidad, por like nan Facebook page Bingo Aruba pa haya sa delaster informacion di e weganan. Pero tambe por gana premionan atractivo.
Tur cos di e bingo aki ta computarisa cu un software special. E persona por sigui e wega di bingo via di Diario TV, Bo Guia of via di e pagina di Bingo Aruba. Asina cu tin un Bingo, e computer ta manda señal y ta para cu e cantamento di bingo pa duna e ganado un minuut y mey pa yama e number y grita bingo. Despues cu e persona yama, ta controla e number di su carchi y su numbernan. Si e ta un bon bingo, un persona lo hiba e premio te na cas di e ganado.
Ta pensando pa bini cu mas wega riba otro dianan. P’esey keda pendiente.
