Hotel ta contento di por ricibi huespednan bek despues di lunanan cera

4428

Renaissance Hotel tin 3 luna cu ta preparando p’e reapertura di frontera. Mayoria di e empleadonan a keda presenta na trabou den gruponan chikito. Mayoria di nan a yega pa train.

Awo ta den un normal nobo y por mira esey den e hotel. Tur camida tin distancia social, hendenan tin mascaranan bisti, e prome huespednan ta drentando. Paul Gielen, gerente general di Renaissance Hotel a bisa, cu ta haci esaki den un forma festivo. Despues di tanto pa mira turistanan Mericano ta un dia di hopi alegria.

Hotel ta contento di por ricibi huespednan bek despues di lunanan cera

Hotel ta contento di por ricibi huespednan bek despues di lunanan cera

Posted by 24ora on Friday, July 10, 2020

E hotel ta spera di yega 93 camber, pero no sa si nan lo bin. Tin hopi hende cu mester haci e test ainda si nan kier bula. Pa Renaissance esaki ta e dia pa haya sa kico lo bay pasa den e proximo simannan. Gielen a bisa cu e expectativa ta cu pa anochi nan tin 15% den ambos hotel.

Pa cumpli cu e protocol, tin hopi sticker poni riba vloer, tin glas poni na e front desk, handschoen, mascaradanan. DVG a inspecciona e hotel y Gielen ta kere cu nan a pasa esaki. Ta wardando pa haya e “gold standard” hopi lihe. Un cambio haci ta cu a seya e cambernan. E manera con ta haci e camber limpi ta dobel compara cu antes.

Aworaki tin 2 sentimento, cual uno ta contento di ta ricibi huespednan bek. Pero e otro ta cu hendenan ta realisa cu tin oportunidad di haya casonan di Covid un biaha mas. Awo tin 4 caso so y e chens ta cu lo haya un par mas. Gielen ta kere cu tur hende na Aruba pa ta cauteloso pasobra esaki no ta wega. Mester ta cauteloso pa coleganan y duna un ambiente na e huespednan di ta protegi.