Facebook a bisa diabierna cu el a descubri un faya di siguridad cu a afecta casi 50 miyon di cuenta di usuario.
Den nan blog, e empresa a bisa cu e hackernan a probecha di e caracteristica riba messenger, cu ta permiti un usuario mira con otro miembro pa percibi su perfil.
A añadi cu a tuma medidanan pa resolve e problema y cu a avisa polis.
Pa repara e daño, y evita mas consecuencia, Facebook a saca temporalmente mas of menos un 90 miyon di miembro, kendenan mester cambia nan paswoord y bolbe drenta. E grupo aki ta abrca tur esnan cu a usa e opcion di “see how” den e aña cu a transcuri.
Facebook a sigura cu nan no sa ken ta e responsabel di e intrusion aki ni for di ki pais esaki ta.
E infiltracion ta e problema mas reciente pa e red social, cu tabata obheto di denuncia cu a wordo usa como plataforma pa un campaña di desinformacion di parti di Rusia y otro agentenan pa manipula e eleccionnan presidencial Mericano di 2016.
