Diasabra awo, dia 30 di september, lo bay tin un evento na final di caya grandi cu e proposito pa recauda fondo pa Stichting Adopt an Addict, cuminsando pa 4:00 te cu 9:00 pm. Ta trata di un Enchanted Pathways Pop-up Market cu un topico hopi specifico, unda cu nan lo bay tin varios actividad, entre otro tarot, magia y lo tin varios stand cu lo bende obra di man, producto cu no por haya otro caminda, riba Plaza Nikki Habibe.
Segun propietario di Chubato Beer y tambe vice-presidente di Stichting Adopt an Addict, Frank Tieleman, parti anochi lo bay tin un banda, cual ta “Active Mirror” riba escenario for di 8:00 te cu 11:00 pm. E banda aki ta uno conoci.
Meta final ta, hunto cu e pop-up market y e demas comerciantenan den vecindario, pa yuda Stichting Adopt an Addict pa recauda fondo. Lo bende ticket di bingo, cual lo tuma luga dia 28 di october. Esaki ta pa yuda sostene nan Half-way House cu nan tin na Moko.
