Les di pintamento pa principiante ta cuminsa diasabra venidero na Cosecha Oranjestad. E lesnan ta tuma luga riba 4 diasabra cu ta 12, 19 y 26 di juni y 3 di juli.
Erika Moran, e artista local cu ta duna e lesnan, ta ofrece conhuntamente cu Cosecha un curiculo di les di pintamento. Erika a siña arte den exterior y ta duna les pa mas di 15 aña. Durante e lesnan aki cu ta pa principiante, e participante ta siña con pa uza y domina diferente pintura di acrylic, awa y azeta, con pa uza sombra y luz den bo pintura y mucho mas.
Prome cu diabierna 11 di juni por registra pa e les cu ta tuma luga di 10.00 am – 12.00 pm. E prijs pa por participa ta AWG 150.00 y ta inclui material y bebida refrescante. Edad pa por participa ta 10 aña bay ariba.
Ta importante pa sa cu durante e actividadnan creativo na Oranjestad, lo tuma tur precuacion di higiena y siguridad en conexion cu Covid-19.
Pa mas informacion por tuma contacto cu Cosecha Oranjestad na telefon 5878709. Tambe por manda un e-mail na [email protected]. Pa por keda informa di Cosecha su workshops, artesano, artista y nan webshop nobo por bishita nan Facebook page: Aruba-Cosecha Instagram page: cosecha_aruba y Webpage: www.arubacosecha.com.
