Diasabra mainta tabata tin entiero di Hubert Kock. E ta conoci den pueblo como Ski. Ski a haya un tiro perdi den un fin di siman y dialuna el a fayece riba caya patras di waf chikito.
Tin un investigacion andando pa pone man riba esun cu a tira. Por spera detencion un ora pa otro. Despues di e morto di Ski a cuminsa cu e preparacion pa asina hiba Ski na su ultimo lugar di sosiego.
Stichting Rancho den cordinacion cu e famia a tuma over e preparacion. Patras di waf chiktio riba e beach a pone tent y asina tur e amigonan di Ski por a pasa y desea e famia hopi forza. Kier a duna Ski un entiero cu honor. No ta pasobra e tabata un persona ambulante riba caya nifica cu e mester haya un morto asina.
E tabata un persona cu tabata move riba su bicicleta y no tabata molestia ningun hende. E no tabata comete crimen. E tabata pidi algo ora cu e tabata tin mester pa bebe of come. Despues di e parti oficial na waf chikito, e sali cu Ski y core den e cayanan di Rancho y djey sigui pa Misa di Playa.
Eynan a haci e preparacion y sali cu Ski pa Sabana Basora unda el a wordo poni den un kelder. Hopi forsa na e famia ainda cu perdida di Ski. Ta spera cu autoridad pone man riba e criminal cu a los e tiro y cu a herida Ski cu tabata un hende inocente para den Rancho den marduga.
