Riba caminda di Piedra Plat, net pabou di Flatstone Ballpark, a sosode un accidente entre un Hyundai Atos Prime oro y un BYD color preto.
Esaki a sosode bandi 3:30 pm, na momento cu un auto a bay pasa un otro. Chauffeur di e BYD preto (A-30789) cu intencion di bira na e T-Kruising na su man robes no a logra. Su tras tabata biniendo e Hyundai oro (A-38542) cu a cuminsa pas’e pero no a tuma nota cu e tabata di bira y cu consecuencia cu el a dal den dje.
Segun a compronde na sitio, e vehiculo aki (BYD) a sali for di parkinglot di Food 99 Supermarket na Piedra Plat. Polis a presenta na sitio pero a tuma nota cu e chauffeur ta mustra di ta bou influencia.
El a cuminsa altera cu e chauffeur di e otro vehiculo cu a bin dal den dje. A purba di papia cu ne pa e calma, pero no a logra. No tabatin otro opcion cu detene e persona aki.
Un rato despues e transport a yega y hib’e warda di polis.
