Minister di Deporte, Dangui Oduber, ta sigui percura pa deporte haya su debido atencion. Aña pasa den luna di november cu a inaugura e luznan LED nobo di SV United, pero e proyecto no a caba eynan.
Actualmente tin varios trabou tumando riba e veld. Ta construyendo un cura rond di veld y tambe 2 backstop pa yuda wanta e balanan. Esakinan lo trece mas siguridad p’e muchanan durante training y wega door di e trafico cu tin rond di e veld. Minister Oduber ta contento di por a contribui pa realisa e bunita proyecto cu SV United a presenta na su Ministerio.
Maneho di e mandatario ta dirigi riba mehoracion di infrastructura di deporte, stimula participacion activo di comunidad na deporte, percura pa tin iluminacion y tambe artificial turf na clubnan.
Esaki ta un otro proyecto cu ta trece desaroyo positivo pa deporte aunke tin limitacion di fondo, segun e minister, nan ta inverti caminda por pa yuda deporte.
