Delegacion di Corsou tabata tin programanan hopi yen na Colombia, cuminsando na Medellin. Segun minister di economia, Steven Martina, eynan nan tabata tin un encuentro cu e Agencia di Cooperacion y Inversion.
Nan a duna un presentacion riba con nan a transforma Medellin y con nan a implimenta tambe mobilidad, tecnologia di informacion, cosnan digital.
E mandatario a splica cu tabata tin un encuentro tambe cu e representantenan di e Tourism Board y eynan tabata tin un dinner, caminda cu di un forma hopi ameno.
A tuma nota di con nan ta evalua e producto turistico di Corsou. E delegacion ta contento di con nan a haya bon evaluacion. E reto ta pa con pa mantene esey y sigui crece pa por mantene un bon evaluacion.
Tabata tin encuentro tambe cu e minister di industria y comercio y turismo. Eynan a combersa y cera conoci y despues bay firma un acuerdo di cooperacion caminda cu ta bay traha hunto pa fin medio 2019 pa yega na un acuerdo bilateral di importacion y exportacion di producto.
Esey ta bay facilita Colombia exporta productonan pa Corsou, pero tambe Corsou exporta productonan pa Colombia den un regimen di impuesto hopi faborabel.
Tabata tin tambe encuentro cu algun inversionista specifico, caminda cu a presenta e diferente desaroyonan di Corsou. Tambe kico nan por spera y tambe mustra nan e perspectivanan cu Corsou tin pa inverti.
Kiermen di hopi actividad. A topa cu Prome Minister Rutte. Nan tabata tin un encuentro cun’e y tambe diferente encuentro cu e networking sesion cu nan tabata tin. Ta dianan hopi druk pero tambe hopi productivo segun Minister Martina.
Cobertura Powered by Compra Ltd. & Romar Trading N.V.
