Diabierna mainta a sosode un caso na Tanki Leendert cu a pone polis move mesora. Den trafico cu dunamento di chens algo a bay robes.
Den e proceso un guy jong cabey medio rasta a saca un arma di candela y menasa. E hendenan a spanta y bati alarma.
Dilanti Tanki Leendert 203 e caso a pasa. E hendenan ta insisti cu e persona a drenta cura di e cas menciona. Polis a tuma tur informacion na e sitio papia cu diferente testigo. A core rond busca y hasta a drenta e cura di e cas.
No a topa cu e persona arma. Asina mes hende a pasa bisa polis cu tin un guy jong cabey rasta ta bin na e adres Tanki Leendert 203. E persona tabata envolvi caba den otro caso. No por bisa sigur cu el a saca arma den e caso aki.
Polis lo sigui investiga y tin algun nomber pa traha riba dje relaciona cu e caso. A busca patras di e cas den e mondi y riba baranca pero no a topa cu e sospechoso.
